समुद्रात कोसळणारी वीज असते जास्त शक्तीशाली

0
वॉशिंग्टन | वृत्तसंस्था :  सागर किनारपट्टीच्या प्रदेशात राहणार्‍या आणि काम करणार्‍या लोकांना अन्य भागांपेक्षा जास्त भारित म्हणजे शक्तीशाली आकाशातील विजेचा अनुभव मिळू शकतो.

अमेरिकेतील फ्लोरिडा इन्स्टिट्युूट ऑङ्ग टेक्नोलॉजीतील शास्त्रज्ञांनी केलेल्या एका संशोधनानुसार, वीज जमिनीऐवजी समुद्रावर जास्त शक्तीशाली असू शकते.

हे संशोधन करणार्‍या चमूमध्ये एका भारतीय वंशाच्या शास्त्रज्ञाचाही समावेश आहे. शास्त्रज्ञांनी सांगितले की, विजेच्या अशा प्रवृत्तीसंंबंधी नव्याने प्राप्त झालेल्या माहितीमुळे समुद्रकिनार्‍याजवळ पायाभूत सुविधा व समुद्री जहाजांची निर्मिती काहीही वेगळ्या पध्ततीने केली जाऊ शकेल.

त्यामुळे या संरचनांवर समुद्री वादळांदरम्यान निर्माण होणार्‍या शक्तिशाली विजेचा धोका कमी करण्यास मदत मिळेल.
फ्लोरिडा टेकचे सहाय्यक प्राध्यापक अमिताभ नाग व प्राध्यापक कॅनथ कमिन्स यांनी सांगितले की, फ्लोरिडाचे विविध भाग आणि त्याच्या किनारपट्ट्यांवर आकाशातील विजेचे विश्‍लेषण करण्यात आले.

त्यासाठी शास्त्रज्ञांनी अमेरिकेच्या नॅशनल लाइटनिंग डिटेक्शन नेटवर्कपासून प्राप्त डाटाचा उपयोग केला.

याआधी केल्या परीक्षणांच्या आधारे काही शास्त्रज्ञ असे समजतात की, समुद्राच्या पाण्यावर पडणारी वीज जास्त शक्तीशाली असते. या मान्यतेची शास्त्रज्ञांनी आता एकमुखी पुष्टी केली आहे.

LEAVE A REPLY

*