तत्वत: कर्जमाफीच्या परिपत्रकाची शिवसेनेकडून पाचोर्‍यात होळी

पाचोरा | प्रतिनिधी :  शेतकर्‍यांना तत्वत: कर्जमाफी नव्हे तर पुर्णत: कर्जमुक्ती मिळावी म्हणुन राज्याच्या युती सरकारमधील सत्ताधारी शिवसेना भाजपाच्या विरोधात राहुन आक्रमक आहे.

नुकतीच मुख्यमंत्री देवेंद्र फडणवीसांनी शेतकर्‍यांचे तिव्र आंदोलने, विरोधी पक्षांच्या वतीने निदर्शने व मित्र पक्षाकडून होणारी राजकिय कोंडी पाहून शेवटी तत्वत: कर्जमाफीची घोषणा केली.

मात्र ही कर्जमाफीची घोषणा असुन शासनाच्या वतीने कर्जमाफी संदर्भात काढलेल्या परिपत्रकातील नियम व अटींमुळे कर्जबाजारी शेतकरींसह अनेकांना ह्या कर्जमाफीचा लाभ मिळणार नसल्याचे शिवसेनेचे म्हणणे असुन मुख्यमंत्र्यांनी घोषणा केलेली कर्जमाफी शेतकर्‍यांची दिशाभुल करणारी असल्याचा आरोप शिवसेना करीत असुन ही कर्जमाफी शिवसेनेला मान्य नाही.

तसेच तातडीची १० हजार रुपयाची घोषीत रक्कम शासनाकडून झाली असली तर राष्ट्रीयकृत बँक व जिल्हा बँकांना या संदर्भात कोणतेही आदेश प्राप्त नसल्याने बँका हि मदत देण्यास असमर्थतता दाखवित असल्याचे मत आ. किशोर पाटील यांनी दोन दिवसांपुर्वी घेतलेल्या पत्रकार परिषदेत व्यक्त करुन शेतकर्‍यांच्या जखमेवर मीठ चोळणार्‍या शासनाच्या परिपत्रकाची शिवसेनेच्या वर्धापनदिनानिमित्त दि. १९ रोजी तालुक्यात व शहरात परिपत्रकाचे वाचन करुन होळी करण्याचा निर्धार केल्याप्रमाणे पाचोरा येथील छत्रपती शिवाजी चौकात माजी आ. आर ओ पाटील व आ. किशोर पाटील यांनी शिवरायांच्या अश्‍वारुढ पुतळ्यास माल्यार्पण करुन चौकात भाजपाच्या शेतकरी विरोधी धोरणाच्या परिपत्रकाची होळी करुन निषेध व्यक्त केला. महाराष्ट्रात तत्वत: कर्जमाफीची परिपत्रकाची ही पहिली होळी आहे.

यावेळी ऍड. दिनकर देवरे, तालुकाप्रमुख तथा जि.प.सदस्य दिपक राजपूत, पद्मसिंग पाटील, रमेश बाफणा, रविंद्र पाटील, नाना वाघ, किशोर बारावकर, पप्पु राजपूत, दिपक पाटील, शरद पाटे, सुधाकर महाजन, भरत खंडेलवाल, आनंद पगारे, रमेश पाटील, अशोक पाटील सह शिवसैनिक पदाधिकारी व शेतकर्‍यांची उपस्थिती होती.

LEAVE A REPLY

*