संत मुक्ताई कारखान्याला दिलेले कर्ज चुकीचेच : माजी खा. जैन

जळगाव |  प्रतिनिधी  :  जिल्हा बँक ही खाजगी संस्थांना कर्ज देण्यासाठी नसून संत मुक्ताई साखर कारखान्याला दिलेले कर्ज हे चुकीचेच असल्याचे मत माजी चेअरमन ईश्‍वरलाल जैन यांनी पत्रकारांशी बोलतांना व्यक्त केले.

जिल्हा मध्यवर्ती सहकारी बँकेने फेब्रुवारी महिन्यात संत मुक्ताई कारखान्याला ५१ कोटी रूपयांचे कर्ज मंजूर केले.

या कर्जासंदर्भात माजी चेअरमन ईश्‍वरलाल जैन यांची प्रतिक्रिया जाणून घेतली असता त्यांनी सांगितले की, जिल्हा बँक केवळ सहकारी आणि शेतकरी सभासदांना कर्जपुरवठा करू शकते.

खाजगी संस्थांना कर्जपुरवठा करण्याचे परीणाम यापुर्वी जिल्हा बँकेने भोगले आहे. विद्यमान संचालक मंडळाने संत मुक्ताई साखर कारखान्याला दिलेले कर्ज हे चुकीचेच आहे.

मी जर संचालक मंडळात असतो तर या विषयाला विरोध केला असता असेही श्री. जैन यांनी सांगितले. या कर्जाबाबत जलसंपदा मंत्री तथा संचालक ना. गिरीष महाजन यांनी घेतलेला आक्षेप योग्य असल्याचेही त्यांनी सांगितले.

कर्जमाफीमुळे बँक भक्कम होणार

राज्य सरकारने कर्जमाफी केल्यास जिल्हा बँके भक्कम होईल. एनपीएचेही प्रमाण कमी होऊन शेतकर्‍यांनाही लाभ होणार आहे. परंतु हे सरकार सहकार संपविण्याचंच काम करीत असल्याचेही माजी खा. ईश्‍वरलाल जैन यांनी सांगितले.

LEAVE A REPLY

*