१०६ व्या वर्षातही तिची पाककला प्रसिद्ध

0
अमरावती | वृत्तसंस्था  : आजकाल वयाच्या सत्तरीमध्ये एखाद्या व्यक्तीला चालणे शक्य होत नाही, त्या वयात वेगवेगळया पाककला करून सर्वांनाच थक्क करणारी १०६ वर्षांची महिला सध्या सोशल साईट्सवर प्रसिद्ध झाली आहे.

या महिलेच्या व्हिडीओ आणि ङ्गोटोला आतापर्यंत ४३ दशलक्षपेक्षा जास्त लोकांनी पसंती दर्शवली आहे.
१०६ वर्षीय मस्तानम्मा तेनाली आंध्र प्रदेशमध्ये एका खेड्यात छोट्याशा झोपडीत राहते. वयाच्या २२ व्या वर्षी तिने आपल्या पतीला गमावले.

पतीच्या निधनानंतर काही काळानंतर ती एकटीच राहू लागली आणि १०५ वर्षांच्या होईपर्यंत भातशेतात काम केले आहे. गावातील लोक तिची तुलना जुन्या झाडांसोबत करतात. उदात्त, ज्ञानी आणि अधिकृत.

ही स्त्री या वयात ही वेगवेगळे पदार्थ, शीतपेय तयार करते. या वयात स्वत:च्या पायावर उभ्या राहणार्‍या खूप कमी महिला असतात. त्यापैकी एक म्हणजे मस्तानम्मा.

मस्तानम्माच्या पाककृतीचे अनेक ङ्गोटो, व्हिडीओ तुम्हाला सोशल साईट्सवर पाहायला मिळतील. सध्या यूट्यूबवर ४३ दशलक्षापेक्षा जास्त लोकांनी तिचे ङ्गोटो पाहिले आहेत.

LEAVE A REPLY

*