शिरसमणी येथील जळीत विवाहितेचा उपचारा दरम्यान मृत्यू

0
पारोळा, | प्रतिनिधी :  तालुक्यातील शिरसमणी येथील सासर व नवलनगर येथील माहेर असलेल्या एका २८ वर्षीय विवाहीतीने सासू व नंणदेच्या जाचाला कंटाळून सासरी राहत्या घरात अंगावर रॉकेल टाकून जाळून घेतले होते तिचा  उपचारा दरम्यान मृत्यू झाला.

या बाबत मयताच्या नातेवायकांनी सासू व नंणदेवर कलम ३०६ प्रमाणे गुन्हा दाखल करण्याची मागणी करीत पारोळा पोलीस स्टेशनला एकच गर्दी केली होती .

या बाबत मयताच्या एका नातेवाइकाने दिलेल्या माहिती नुसार नवलनगर येथील माहेर असलेल्या मानसी पाटील हिचा शिरसमणी येथील राजेश पाटील यांच्याशी ६ वर्षा पूर्वी विवाह झाला होता.

त्यांना एक तीन वर्षाचा मुलगा असून मागील काही वर्षा पासून मानसी हिची सासू शोभाबाई नथा पाटील व नणंद कविता मनोज पाटील ह्या मानसी हिस टोचून बोलीत वेळोवेळी माहेर हून पैश्याची मागणी करीत असे

विशेष म्हणजे यात नणंद कविता हिस तिची आई व मानसीची सासू शोभाबाई हि चिथावणी देत असल्याने मानसी हिला अनेकदा मोठा मनस्ताप होत होता.

या बाबत दि १० रोजी किरकोळ कारणावरून या दोघांनी मानसी हिस टोचून बोलल्याने त्यांच्या जाचास कंटाळून मानसी हिने आपल्या राहत्या घरात अंगावर रॉकेल टाकून घेतले त्यात ती ४५ टक्के भाजल्याने

तिला प्रथम पारोळा -धुळे व नंतर नाशिक येथे हलविण्यात आले होते दरम्यान अंगावरील भाजलेल्या जखमा दुरुस्त न झाल्याने तिचा दि १६ रोजी पहाटे ३ वाजता मृत्यू झाला . दि १७ रोजी शिरसमनी येथे तिच्यावर अंत्यसंस्कार करण्यात आले

यावेळी तिच्या सर्व नातेवाइकांनी अंत्यसंस्कार झाल्या नंतर थेट पारोळा पोलीस स्टेशन गाठले यावेळी महिला व पुरुषांनी एकच गर्दी करीत सासू व नणंद या दोघीवर कलम ३०६ व ३०४ ब प्रमाणे गुन्हा दाखल करण्याची मागणी लावून धरली

यावेळी पोलीस निरीक्षक एकनाथ पाडळे यांनी त्यांची समझुत काढीत मयत मानसी हिने जबानी मध्ये सासू शोभाबाई व नणंद कविता यांच्या बाबतीत दि १० रोजी दिलेल्या जबाबावरून व तिच्या तक्रारी वरून सदर दोन्ही आरोपी विरोधात यापूर्वी म्हणजेच दि १० रोजी कलम ४९८ प्रमाणे गुन्हा दाखल झाला.

आता ती मयत झाल्याने तिच्या मृत्युपूर्व जबानी च्या आधारावर सदर आरोपिता विरोधात कलम वाढून त्यात कलम ३०६ व ३०४ ब लावण्यात येईल असे स्पष्ट केल्या नंतर सदर नातेवाईकांनी समाधान व्यक्त केले या बाबत गुन्ह्याची नोंद रात्री उशिरापर्यंत सुरु होती पुढील तपास पो.नि एकनाथ पाडळे यांच्या मार्ग्देर्श्नाकःली हे कॉ भगवान साळुंखे करीत आहे .

LEAVE A REPLY

*