यावल, रावेर व चोपडा होणार हरीतग्राम : वनविभागासह लोकसहभागातून होणार ८.९० लक्ष वृक्षांची लागवड

0
यावल |  प्रतिनिधी : १ जुलै ते ७ जुलै २०१७ या कालावधीत राज्यात ४ कोटी वृक्ष लागवड करण्यात येणार असुन यामध्ये यावल वन विभाग ८.९० लक्षचा उदिष्ट दिल्याची माहिती यावल येथे आयोजित वनविभागाच्या कार्यालयात यावल उन वनसंरक्षक संजयकुमार दहिवले यांनी पत्रकार परिषदेत दिली.

यावल वन विभागात रावेर, यावल आणि चोपडा तालुक्यात १ जुलै ते ७ जुलै या कालावधीत २७ रोपवन ठिकाणी ८.९० लक्ष रोपे लागवड करण्यात येणार आहेत. विभागाचे १५ रोपवाटीकेत ३७ लक्ष रोपे तयार करणेत आली आहे.

ग्राम पंचायतींना विभागामार्फत पाल, गारबर्डी, यावल, नागादेवी, लासुर, कमळजादेवी, उनपदेव, बोरअजंटी, वैजापूर, कर्जाणा आणि देवझिरी या रोपवाटीकेतून रोपे पोहचते करुन दिले जाणार आहे.

ग्रामस्थांचा जास्तीत जास्त सहभाग घेण्यासाठी विभागात मोठ्या प्रमाणात पथनाट्य, वृक्षदिंडी, प्रभातफेरी, ग्रामसभा, विविध प्रसिध्दी माध्यमे यांचेमार्फत जनजागृतीची कामे करण्यात येत आहे.

१ जुलै ते ७ जुलै २०१७ या कालावधीत वृक्ष लागवड कार्यक्रमामध्ये विद्यार्थी, स्वयंसेवी संस्था, वृक्षप्रेमी, संयुक्त वन व्यवस्थापन समिती, एन सी सी, स्काऊट, जिल्ह्यातील सर्व पदाधिकारी यांनी मोठ्या संख्येने सहभागी होण्याच्या दृष्टीने त्यांनी महाराष्ट्र हरीत सेना (ग्रीन आमी) मध्ये नोंदणी करण्यासाठी संजयकुमार दहिवले,उपवनसंरक्षक, यावल वन विभाग, जळगाव यांनी सांगितले.

इतर विभाग, शाळा, महाविद्यालये, ग्राम पंचायत यांनी या ४ कोटी वृक्ष लागवड कार्यक्रमामध्ये सहभागी होण्यासाठी महाराष्ट्र हरित सेना या वेबसाईटवर त्यांची नोंदणी आणि लागवड करावयाचे ठिकाणाची माहितीची नोंद करुन घेणे अनिवार्य आहे.

प्रत्येक तालुकास्तरीय समन्वयक अधिकारी जिल्हा व विभागस्तरीय माहिती पुस्तीका तयार करण्यात आली आहे.

गेल्या वर्षी जी वृक्ष लागवड झाली होती त्यातील ८५ टक्के वृक्षलागवड जिवंत असल्याचे दहिवाले यांनी ठासुन सांागितले. तर सातपुड्यात नवाड पाटील नावाचे काही व्यक्ती मध्यप्रदेशातील गरीब व्यक्तींकडून ५ लाखाच्या जवळपास रुपये उकडत असुन सातपुड्यात अतिक्रमण करुन जमिन बळकाविण्याचा प्रयत्न करीत असतात. याला स्थानिक ग्रामस्थांनीच विरोध करायला हवा.

अन्यथा वनविभागाकडे तक्रार करायला हवी. प्रत्येक आरोग्य विभागाच्या प्रा.आ.केंेद्र, ग्रामीण रुग्णालये यांच्या आवारात वनऔषधीच्या रोपे वाढविण्यात येणार आह तर रोप आपल्या दारी ही योजना वनविभाग राबविणार आहे.

रोप लागवडीसाठी त्रिसदस्यीय समिती त्यात जिल्हाधिकारी त्यांचे कार्यर्ंक्षेत्रातील, प्रांत त्यांचे कार्यक्षेत्रातील व स्थानिक ग्रा.पं.मध्ये सरपंच व त्यांचे कार्यर्ंक्षेत्रातील नागरिक या समितीमध्ये असतील.

३१ विभागाचा वृक्ष लागवडीचा सहभाग राहणार असुन यावल तालुक्यात ६४ ग्रा.पं.मध्ये प्रत्येकी ३६४ रोप लागवडीचे उदिष्ट आहे ते २५ हजार २५ रोप लागवड करतील.

इतर विभागातून ११८६८ रोपांची लागवड करतील. यावल वनविभागात ७ लाख १५ हजार रोप असुन २ लक्ष रोप महात्मा गांधी रोजगार योजनेअंतर्गत तयार केली आहे.

यावल तालुक्यात भुभागाच्या १६ टक्केच वृक्ष असुन ते ३१ टक्के होणे गरजेचे आहे ते उदीष्ट साध्य करु असे उपवन संरक्षक यावल वनविभाग जळगाव एस एस दहिवले यांनी पत्रकार परिषदेत माहिती दिली.

या प्रसंगी सहा. उपवन सरंक्षक (वन्यजीव) आश्‍विनी संतोष खोडपे, यावल पश्‍चिमचे रेंज ऑफीसर जाधव, लेखापाल पी एस पाटील, जळगाव डाटा ऑपरेटर महेश चौधरी, अनिल पाटील यावल हे उपस्थित होते.

LEAVE A REPLY

*