हळद मेंदू विकारांवरही गुणकारी

0
बर्लिन | वृत्तसंस्था :  हळद, लसूण, आले किंवा भारतीत आहारात वापरले जाणारे अनेक मसाल्याचे पदार्थ विविध रोगांवर गुणकारी आहेत हे भारतीयांना पिढ्यानपिढ्या माहिती असलेली बाब आहे. आयुर्वेदात तर अनेक मसाले, वनौषधींचे उपयोग सांगितलेले आहेत. कर्करोगावर हळद गुणकारी असल्याचे यापूर्वी सिध्द झाले आहे.

आता हळदीमध्ये मेंदूची स्वत:हून बरे होण्याची क्षमता वाढविण्याचा गुण असल्याचे एका संशोधनातून सिद्ध झाले आहे. जर्मनीतील इन्स्टिट्यूट ऑङ्ग न्यूरोसायन्स अँड मेडिसीनमधील संशोधकांचा हा निष्कर्ष ’स्टेम सेल रिसर्च अँड थेरपी’ या जर्नलमध्ये प्रकाशित झाला आहे.

संशोधकांनी हळदीमध्ये आढळणार्‍या’टर्मेरोन’ या घटकाचा अभ्यास केला. इंजेक्शच्या माध्यमातून हा घटक उंदरांच्या शरीरात सोडण्यात आला. उंदरांच्या मेंदूचे स्कॅनिंग केले असता त्यांच्या मेंदूतील पेशींच्या विकासासाठी आवश्यक असलेला भाग अधिक सक्रिय झालेला दिसला.

त्याचप्रमाणे, उंदरांच्या मज्जातंतूंच्या स्टेम सेल्सना टर्मेरोनच्या द्रावणात बुडविल्यावर या पेशींमध्ये मेंदूतील कुठल्याही प्रकारच्या पेशी बदलण्याची क्षमता आल्याचे संशोधकांच्या लक्षात आले.

हळदीवरच्या या गुणकारी संशोधनामुळे अल्झायमर आणि मेंदूच्या इतर विकारांवर औषध बनविण्यात मदत होऊ शकते, असे संशोधकांचे म्हणणे आहे.

LEAVE A REPLY

*