अधिकारी,पदाधिकारी देशाच्या रथाची दोन चाके – ना.पाटील

0

जळगाव |  प्रतिनिधी :  आपण समाज, देशाचे काही देणे लागतो. या भावनेने समाजसेवा करावी.तसेच अधिकारी असल्याने प्रशासनाच्या दारी आलेल्या प्रत्येक गरजुला आपण न्याय देण्यासाठी प्रयत्न केला पाहिजे.

अधिकारी व पदाधिकारी हे दोन्ही देशाच्या रथाचे दोन चाके असून दोघांच्या समन्वयानेच देशाचा विकास शक्य असल्याचे प्रतिपादन सहकार राज्यमंत्री गुलाबराव पाटील यांनी केले.

युपीएससी परिक्षेत उत्तीर्ण झालेल्या विद्यार्थ्यांचा दिपस्तंभ फाऊंडेशनतर्फे सत्कार करण्यात आला.

परीक्षा उत्तीर्ण झालेले दीपस्तंभ फाऊंडेशनशी संबंधीत नसले तरी स्पर्धा परीक्षेची तयारी करणार्‍या विद्यार्थ्यांना पे्ररणा मिळावी यासाठी सत्कार समारंभाचे आयोजन करण्यात आले.

यात प्रज्ञाचक्षु प्रांजल पाटील, महेश चौधरी, अशिष पाटील, सौरभ सोनवणे, अभ्युदय साळुंखे यांचा यावेळी सत्कार करण्यात आला. यावेळी आयोजित कार्यक्रमाप्रसंगी ना.गुलाबराव पाटील बोलत होते.

यावेळी खा. ए.टी.पाटील, पोलिस अधिक्षक दत्तात्रय कराळे, माजी शिक्षणाधिकारी निळकंठ गायकवाड, दिपस्तंभचे यजुर्वेद्र महाजन, संचालक जयदीप पाटील आदी उपस्थित होते. यावेळी यशस्वी विद्यार्थ्यांच्या आईंच्या हस्ते कार्यक्रमाचे दिपप्रज्वलन करण्यात आले.

पुढे बोलतांना गुलाबराव पाटील म्हणाले की, युपीएससीचे विद्यार्थी दरवर्षी परिक्षा देतात, आम्ही पदाधिकारी दर पाच वर्षांनी परिक्षा देतो. आणि कधी कमी गुणांनी तर कधी गुणांनी उत्तीर्ण होते. त्यामुळे युपीएससी उत्तीर्ण झालेल्या विद्यार्थ्यांनी गरजुनंा न्याय देण्यासाठी नेहमी प्रयत्न केला पाहिजे.

कार्यक्रमाचे प्रास्ताविक दीपस्तंभ फाऊंडेशनचे संचालक यजुर्वेद्र महाजन यांनी तर सूत्रसंचालन राजेंद्र चव्हाण यांनी केले.

कठोर मेहनत, शिस्त व जिद्द  हेच यशाचे त्रिसूत्र

स्पर्धा परीक्षेची तयारी करतांना अपयश आले तरी खचुन न जाता सातत्याने परिश्रम करीत राहिल्यास यश नक्की असून कठोर मेहनत, शिस्त, व जिद्द हेच यशाचे त्रिसूत्र असल्याचे प्रतिपादन प्रज्ञाचक्षु आयपीएस अधिकारी प्रांजल पाटील यांनी केले.

युपीएससी परीक्षा उत्तीर्ण होण्यात मराठी भाषीकांची टक्केवारी दरवर्षी वाढत असून मराठी भाषेचा न्युनंगड न बाळगता जिद्दीने परीक्षा उत्तीर्ण करता येत.

शारिरीक विकलांगतेपेक्षा वैचारिक विकलांगता ही यशस्वी न होण्यामागील सर्वात मोठे कारण असल्याचे त्यांनी यावेळी सांगून त्यांनी स्पर्धा परिक्षेसाठी तयारी करणार्‍या विद्याथ्यार्ंंना प्रोत्साहीत केले.

LEAVE A REPLY

*