नगरसेवक डॉक्टरांचे अतिक्रमण वाचवण्यासाठी पालिकेचा घाट

0

 

वरणगाव ता.भुसावळ| वार्ताहर :  बर्‍याच दिवसाच्या प्रतिक्षेत असणार्‍या प्रतिभागनगरमधील नाल्यावरील पुलाच्या बांधकामाला सुरवात झाली आहे. मात्र सदर बांधकाम हे नगरसेवक डॉक्टरांच्या दवाखान्यासमोर असून त्यांचे अस्तित्वात असलेले अतिक्रमण वाचवण्यासाठी पालिका प्रशासनाकडून प्रयत्नांची पराकाष्ठा होतांना दिसून येत आहे.

येथील प्रतिभा नगरला जोडणार्‍या पुलाचे बांधकाम सुरु करण्यात आले असून या बांधकामाशेजारी नगरसेवक डॉक्टरने नैसर्गिकव सांडपाणी प्रवाह असलेल्या नाल्यात आरसीसी सिमेंटचे कॉलम उभारुन अतिक्रमण केलेले आहे.

यामुळे कित्येक वर्षांपासून येणारे पाणी साचून आहे.तरी पालिकेने कमकुवत झालेला खासगी पुल तोडून पुलाच्या बांधकामास सुरुवात केली आहे. मात्र पुलाचे बांधकाम होत असतांना या परिसराचा व नाल्याच्या प्रवाहाचा विचार करणे अपेक्षित होते.

संबंधित नगरसेवक डॉक्टरचे अतिक्रमण वाचवण्यासाठी पालिका व प्रशासकीय अधिकारी प्रयत्न करत असल्याचे बोलले जात आहे. होऊ घातलेले पुलाचे बांधकाम बघता नाल्यातील अतिक्रमीत सिमेंटचे क्रॉंकेटी कॉलम वाचवून शेजारीच पुलाचे बांधकाम वाकऊन करण्यात येत असून नगरसेवक डॉक्टरांचे अतिक्रमण वाचविण्याचा घाट घातला आहे.

यामुळे नैसर्गिक पाण्याचा प्रवाह पुलाला लागून पुढे असलेल्या दलित वस्तीमधील माहिला शौचालयाला बाधा निर्माण होण्याची दाट शक्यता आहे.

तरी संबधीत अधिकार्‍यांनी सर्वस्वी विचार करुन कोणत्याही लोकप्रातिनिधीला पाठिशी न घालता नागरिकांच्या सुविधेच्या दृष्टीकोनातून बांधकाम करावी, अशी नागरिकांची अपेक्षा आहे.

LEAVE A REPLY

*