सिंचन योजनेवर आमसभा गाजली : लघुसिंचनचे अभियंता राणेंच्या हकालपट्टीचा ठराव; तहसिलदार खरमाडेची तक्रार नाशिक आयुक्ताकडे

0
पारोळा | प्रतिनिधी :  येथील पंचायत समितीच्या आवारात  आमसभा विविध विषयांवर गाजली.

यात प्रामुख्याने सिंचन, कृषि, रोहयो, जलयुक्त, घरकुल, पाणी टंचाई, पुरवठा, महसुल, अनुदान विहीरी यावर जोरदार तक्रारी होवून दोन ग्रामसेवक, एक तलाठी व सिंचनचे अभियंत्याविरुध्द ठराव नोंदविण्यात आलेत.

सभेतचे अध्यक्ष आ. डॉ. सतिश पाटील हे होते तर व्यासपिठावर जि.प.सदस्य रोहन पाटील, डॉस. हर्षल माने, हिम्मत पाटील, पं.स.सभापती सुनंदा पाटील, पंडीत पाटील, हिरामण पवार, दिगंबर पाटील, डॉ. शांताराम पाटील, मनोराज पाटील, काळु पाटील, पांडुरंग पाटील, भास्कर पाटील, बबन पाटील, नाना पाटील, पं.स.सदस्य ज्ञानेश्‍वर पाटील, जितेंद्र पाटील, अशोक पाटील, किशोर पाटील, डि के पाटील, पोउनि रोहीदास ठोंबरे, प्र.तहसिलदार पंकज पाटील, गटविकास अधिकारी डॉ. बी एस सुर्यवंशी, मुख्याधिकारी डॉ. सचिन माने यांच्यासह अधिकारी कर्मचारी उपस्थित होते.

बहादरपुर ग्रा.पं.ला स्मार्ट ग्राम योजनेतून १० लाखांचे बक्षिस मिळाल्याने ग्रामसेवकास गौरविण्यात आले. सन २०१३ नंतर २०१७ मध्ये झालेल्या सभेत मागच्या आमसभेत प्रोसिडींग केलेल्या तक्रारीबाबत काय काय कारवाया झाल्यात याचा आढावा घेतला असता शिक्षकांविरुध्दच्या तक्रारी होत्या.

त्यांच्या बदल्या करण्यात आल्या तर वसंतनगर येथील ५० लाखाची पाणी पुरवठा पुर्ण झाली नसुन बीले मात्र काढली गेलीत. याबाबत कुठलीही चौकशी झालेली नाही किंवा संबंधीतांवर फौजदारी गुन्हेही दाखल झाले नसल्याचे निष्पन्न झाले.

याबाबत ग्रामीण पाणी पुरवठ्याचे श्री तांबोळी यांना धारेवर धरत त्यांची चौकशी करुन कारवाई करण्याचा ठराव करण्यात आला. तर पिंपळकोठा, भोलाणे, वसंतनगर, सुमठाणे, सांगवी, भोंडण, पळासखेडे, लोणी सिम, लोणी बु. शेवगे बु. महाळपुर, बहादरपुर शिरसोदे, वंजारी, बोदर्डे शिवारातील वसाहत भाग, मंगरुळ आदी ठिकाणच्या पाणी टंचाईच्या तक्रारी होत्या.

त्यावर डॉ. पाटील यांनी अधिकार्‍यांना तात्काळ गावांना भेटी देवून विहीर अधिग्रहण, टँकर प्रस्ताव आदी उपाययोजना करण्याच्या सुचना केल्या कृषीविभागाचे शरद तंवर यांनी ७ गावे जलयुक्तमध्ये असुन त्याठिकाणी सात एजन्सीज काम करीत असुन काही कामे पुर्ण झाली तर काही प्रगतीपथावर आहेत असे सांगितल्याने त्यांच्या तक्रारींचा पाऊस पडला

त्यावर डॉ. पाटील यांनी तंवर यांची कानउघाडणी करुन कृषिमिुंळे लोक भ्रमनिरास झाले असल्याने आत्महत्त्या होत आहेत. कृषि अधिकारी माहीती देण्यास टाळाटाळ करतात हा विषय विधानसभेत मांडणार असल्याचे सांगितले.

स्थानिक स्तर उपविभागीय लघु सिंंचन विभागाचे शासकीय अभियंता यांच्याकडे पाच तालुक्यांचा कारभार असल्याने ते शेतकर्‍यांना जाऊच द्या परंतु लोकप्रतिनिधींनाही मिळत नाही आणि ते आज आमसभेला उपस्थित राहिल्याने अभियंता राणे यांचे आमदारांनी चक्क पुष्पगुच्छ देवून आभार मानले.

श्री राणे मुख्यालय पारोळा असतांना मुख्यालयी कधीच भेटत नाहीत म्हणुन लोणी येथील ग्रामस्थांनी त्यांच्या खुर्चीला हार घालुन कार्यालयाला कुलूप लावले होते. परंतु या गेड्यांच्या कातडड्याच्या अधिकार्‍यास काहीच फरक पडला नाही.

लोणी धरण उपश्यासाठी शेतकर्‍यांकडून श्री राणे व त्यांच्या कर्मचार्‍यांनी हप्ते बांधलेले असल्याचा आरोप करण्यात आला. डॉ. पाटील श्री राणे यांना मुख्यालयातून काढुन टाकण्याचा ठराव करण्याचे सांगितले.

तर लघुसिंचनचे आर डी पाटील यांना शिवरे, बाभळेनाग येथील बंधार्‍याचे अपुर्ण कामाबाबत कानउघाडणी करुन सर्व सात गावाच्या सर्व कामाची चौकशी करुन अहवाल सादर करण्याचा सुचना पं.स., तहसिल व कृषि अधिकार्‍यांना दिल्यात\

लघुसिंचन चे अधिकारी शिवार फेरी करीत नाही. दवंडी देत नाहीत वाटेल ते गावाचा समावेश करतात जि.प. पं.स.सदस्य सरपंच यांना जलपुजनासाठी बोलवत नाहा. एकमेकांवर टोलवाटोलवी करतात सिंचनची चौकशी करुन अहवाल सादर करावा.

ठेकेदार व अभियंता यांची मिलीभगत असते म्हणुन कमिटी तयार करुन पाहणी करुनच बीले अदा करावीत. अशा सुचना दिल्यात.

धरणातून शेतकर्‍यांना गाळ उपसण्यासाठी कुठलीही परवानगी अथवा परमिट गरज नाही असे डॉ. पाटील यांनी सांगितले. भोंडण येथे १४ व्या वित्तआयोगाची रक्कम रु.४ लाख ५० हजार रुपये काढुुन घेतले व कुठलेही काम केले नाही.

तसेच ग्रामसेवकाने आधीचे दप्तरही गायब केले असुन संबंधीत विभाग दुर्लक्ष करीत असल्याचा आरोप अमोल पाटील यांनी केला.

डॉ. पाटील यांनी ग्रामसेवकावर विस्तार अधिकार्‍याचा अंकुश नसुन त्यांची चौकशी करा व गुन्हे दाखल करा असा ठराव करण्यात आला. म्हसवे येथे १४ व्या वित्त आयोग योजनेत ८० हजारांचे काम झाले चार लाख काढण्यात आल्याची तक्रार आहे. उमेश पाटील यांनीही शेतकर्‍यांना बँकत पैसा मिळत नाही.

उंदीरखेडा रस्त्यावर काटेरी झुडूपे व साईडपट्या तसेच ड पत्रक नोंदी मिळत नाही. दुषीत पाणी पुरवठा तामसवाडीत होत आहे, ग्रामसेवक येत नाही. विकास नाही यावर तामसवाडी शिरसमणी येथील ग्रा.प.ला ग्रामविकास अधिवकारी नेमण्याच्या सुचना देण्यात आल्यात.

तसेच तहसिलदार श्रीमती वंदना खरमाडे यांना आमसभा असल्याचे माहिती असुनही उपस्थित राहील्या नाहीत म्हणुन नाशिक येथे तक्रार करणार असल्याचे उॉ.पाटील यांनी सांगितले.ग्रामीण भागात शेतीपंपासाठी रात्री १२ ते सकाळी १० वाजेपर्यंत विजपुरवठा करण्याचा ठराव करण्यात आला तर शिरसमणीला वायरमन येत नाही.

लोणी येथील तलाठी यांच्या बाबत नागरिकांच्या अनेक तक्रारी असल्याने त्यंाचा निलंबनाचा प्रस्ताव पाठवुन त्याजागी तलाठी परमेश्‍वर काळे यांची नियुक्ती करण्यात आल्याचे प्र.तहसिलदार पंकज पाटील यांनी सांगितले.

सावरखेडा होळ येथील लाभार्थ्यांचे विहीर मंजुरीसाठी दहा हजार देवूनही विहीर मंजुर होत नसल्याचा आरोप केला त्यावर चौकशीचेक आदेश देण्यात आलेत.

मोरफळ पाझर तलावाचेक काम अपुर्ण असल्याची तक्रार करण्यात आली. कोणालाही पैसे देवू नका कोणी पैसे मागत असतील तर माझेकडे त्याची तक्रार करा मी त्यांना घरी बसविल्याशिवाय राहणार नसल्याचे सांगितले. सुत्रसंचलन सुनिल पाटील यांनी तर आभार डॉ. सुर्यवंशी यांनी मानलेत.

LEAVE A REPLY

*