घर टिकेल तर संस्कृती टिकेल – अपर्णाताई रामतीर्थकर

0
अमळनेर, | प्रतिनिधी : आपली भारतीय संस्कृती जगात आपल्या विशेष वैशिठ्यामुळे ओळखली जाते. आपल्या कुटुंबात संस्कृती रक्षणाची बीजे आहेत. घर टिकेल तर संस्कृती टिकेल. त्यासाठी कुटुंबात आई व समाजात शिक्षक हे नेहमी जागृत असले पाहिजे. कुटुंब व्यवस्था आपल्याला टिकवावी लागेल असे प्रतिपादन सुप्रसिद्ध वक्त्या ऍड. अपर्णाताई यांनी अमळनेर येथे केले.

माजी आ. डॉ. बी. एस. पाटील यांच्या नाविन्य प्रतिष्ठानच्या वतीने या व्याख्यानाचे आयोजन करण्यात आले होते. थोर विचारवंत स्व. पंडित दिनद्याळ उपाध्याय यांच्या जन्म शताब्दी व डॉ. बी. एस. पाटील यांचे पिताश्री स्व. श्रीधर पाटील यांच्या स्मृती दिनानिमीत्त सर्वात महत्वाचा वार परिवार या विषयावर ऍड. अपर्णाताई रामतीर्थकर यांचे व्याख्यान आयोजित करण्यात आले होते.

प्रास्ताविक शरद सोनवणे यांनी केले. सौ. सुनिता पाटील व डॉ. पाटील यांच्या हस्ते ऍड. रामतीर्थकर यांचे स्वागत करण्यात आले.

व्याख्यानात अपर्णाताई पुढे म्हणाल्या की, आधुनिक काळातील बदलती जीवनशैली, आपुलकीची उणीव, वाढणार्‍या महत्वकांक्षा, वैयक्तिक स्वार्थ, कायद्याचा गैरवापर यामुळे भारतीय कुटुंब व्यवस्थेची मुत्यु घंटा वाजु लागली आहे. घराचे घरपण टिकविण्यात महिला वर्गाचे मोठे योगदान होते.

पण आपल्यातील अहंकार आपण दुर सारु शकत नाही. हे शिक्षणाचे दुदैव म्हणावे लागेल. घरातील सर्वांनी एकमेकाशी विश्‍वास व एकोप्याने वागले पाहिजे. उंबरठ्या बाहेर घरातील भांडण जाऊ देऊ नका, एकमेकाला समजुन घ्या, उडसुठ कोर्टाची पायरी चढणे योग्य नाही, आज अनेक प्रकरणे कोर्टात प्रलंबित असल्याने कुटुंब संस्था धोक्यात आली आहे.

आई हे संस्कार देणारे केंद्र घरातुन लुप्त होऊन त्याची जागा मम्मीने घेतली आहे. आई हे परमेश्‍वराचे दुसरे रुप आहे. त्याचे स्थान अबाधित ठेवा, आईने मुलीला व सर्व कुटुंबाला संस्कारीत करण्यासाठी नेहमी सज्ज असले पाहिजे.
तरच जिजामाता व शिवाजी राजे निर्माण होतील. भारतीय स्त्री मध्ये कुटुंब सांभाळण्याची ताकद आहे.

आपण ठरविले तर कोणतीही गोष्ट तडीस नेऊ शकतो हा विश्‍वास जागवा असे आवाहन त्यांनी उपस्थित महिलांना केले. जगाचे ज्ञान घेण्यासाठी वृत्तपत्र वाचा, पुस्तके खरेदी करा, दुरचित्र वाणीवर बातम्या व माहितीपर कार्यक्रम पहा असा सल्लाही त्यांनी दिला.

पुरुषांनीही घरातील महिलांना सांभाळुन घ्या, वाद घरातच कसे मिटतील याकडे लक्ष द्या, परिवार टिकवा असे आवाहन पुरुषांनाही केले. व्याख्यानास महिला, पुरुष, महाविद्यालयीन तरुण, तरुणी यांनी गर्दी केली होती. आभार शरद सोनवणे यांनी मानले.

LEAVE A REPLY

*