आमदार शिरीष चौधरींना भास्कर अवार्ड २०१७ राष्ट्रीय पुरस्कार जाहीर

0

मतदार संघात आश्वासनांची पूर्तता केल्याने आदर्श आमदार म्हणून होणार सन्मान

अमळनेर( प्रतिनिधी )  आपल्या विधानसभा मतदार संघात जनतेला दिलेल्या आश्वासनांची पूर्तता केल्याने आ. शिरीष चौधरी यांना महाराष्ट्र जर्नालिस्ट फाऊंडेशनच्या वतीने “द प्राईड ऑफ इंडिया” भास्कर अवार्ड २०१७ हा राष्ट्रीय पुरस्कार जाहीर झाला असून आदर्श विधानसभा सदस्य म्हणून त्यांना सन्मानीत करण्यात येणार आहे.

पंतप्रधान नरेंद्र मोदी यांचे लहान बंधू प्रल्हादभाई मोदी यांच्या शुभहस्ते दि २९ मे २०१७ रोजी दीनानाथ मंगेशकर कला संस्था, पणजी (गोवा) येथे भव्य सोहळ्यात पुरस्काराचे वितरण होणार आहे.

या सोहळ्यात गोवा राज्यांचे मुख्यमंत्री मनोहर पर्रीकर , गोवा राज्यांचे भाजपा अध्यक्ष तेंडुलकर, डॉ विकास आमटे, सिने अभिनेत्री पूजा सावंत, भाजपा ओबीसी सेल प्रदेशाध्यक्ष विजय चौधरी, ओबीसी भाजपा प्रदेश सचिव सागर कहाणे, आदींसह इतर मान्यवरांची उपस्थिती लाभणार आहे.

भारतातून एकूण ३५, महाराष्ट्रातून दोन तर उत्तर महाराष्ट्रात एकमेव आ. शिरीष चौधरी यांची या पुरस्कारासाठी निवड झाली आहे.

महाराष्ट्र जर्नालिस्ट फाऊंडेशन ही राष्ट्रीय बाण्याची उपक्रमशील संस्था असून विविध क्षेत्रात उत्कृष्ठ कार्य करणाऱ्या मान्यवरांना प्रोस्ताहीत करण्यासाठी निवड समितीद्वारे निवड करून हे पुरस्कार जाहीर करण्यात आले आहेत, याबाबत संस्थेचे प्रेसिडेंट डॉ राजीव लोहार यांचे पत्र नुकतेच आ. शिरीष चौधरीं यानां प्राप्त झाले आहे.

आ. शिरीष चौधरी यांनी अमळनेर विधानसभा निवडणुकीत जनतेला “हाताला काम आणि शेताला पाणी” यासह विविध आश्वासने दिली होती.

त्यानुसार त्यांनी प्रामाणिकता जपून दिलेल्या शब्दानुसार अमळनेरात छत्रपती शिवराय व डॉ बाबासाहेब आंबेडकर यांच्या भव्य पुतळाचे निर्माण केले, शेतीला पाणी मिळण्यासाठी स्वखर्चाने ग्रामीण भागात नाला खोली करण करून शासनाच्या जलयुक्त शिवार अभियानास चालना दिली.

यामुळे अनेक गावे जलमय होण्याची चिन्हे दिसू लागली. तसेच रोजगारासाठी सूतगिरणी, शहराच्या पाणी पुरवठासाठी कलाली डोहाची योजना आणली, प्रकल्पाची मुहूर्तमेढ केली.

यासह इतर ठोस विकास कामे मार्गी लावल्याने आदर्श आमदार म्हणून त्यांची या पुरस्कारासाठी निवड झाली आहे.
या राष्ट्रीय पुरस्कारामुळे एक प्रकारे अमळनेरलांच मोठा बहुमान प्राप्त झाला असून आ. शिरीष चौधरी यांचे सर्वत्र कौतुक होत आहे.

LEAVE A REPLY

*