अमळनेरची भुयारी गटार योजना जीवन प्राधिकरणाकडे वर्ग

0
अमळनेर |  प्रतिनिधी :  शहराची दृष्टीने आरोग्य वाहिनी ठरणारी ६७ कोटींची भुयारी गटार योजना महाराष्ट्र जीवन प्राधिकरणाकडे वर्ग करण्याचे आदेश आज शासनाने काढले.

पालीका प्रशासनाने ठेकेदाराला पाईपांच्या बिलापोटी दिलेली अवास्तव रक्कम वसूल करावी व कामाच्या प्रतवारीत बिल अदा करावे असे आदेश दि. १५ रोजी न.पा. प्रशासनाला दिले आहे.

या निर्णयामूळे अमळनेरच्या सत्ताधारी भ्रष्टचार्‍यांना शासनाने धडा शिकविला असल्याची प्रतिक्रिया आ. शिरिष चौधरी यांनी दिली आहे.

१५ ते २० वर्षा पासून रखडलेली भुयारी गटार योजना आमदार शिरीष चौधरी यांनी अथक परिश्रम घेवून शासना कडून मंजूर करून आणली, जागतिक कीर्तीचे सर्व्हेचे काम करणारे श्री दहाशस्त्रे यांच्याकडून भुयारी गटार प्रकल्पाचा डिजिटल सर्व्हे करून स्कीम तयार केली.

मक्तेदाराला वर्क ऑर्डर दिली व या योजनेचा पहिला हफ्ताही प्राप्त झाला, नंतर अमळनेर न.पा. त सत्तातर झाले तरी डॉ रविंद्र चौधरी व आमदार शिरीष चौधरी यांनी अमळनेरच्या विकास कामांना सहकार्य करायचे ठरविले, तशी मदतही केली.

सदर भुयार गटार प्रकल्पा साठी तांत्रिक सल्लागार न नेमता व शासनाच्या कोणत्याही कार्यालयाची तांत्रिक मार्गदर्शन न घेता सुमारे ३० ते ४० टक्के कमिशन घेवून सव्वा दोन कोटी रुपये नियमबाह्य पद्धतीने मक्तेदाराला दिले असल्याचा आरोप आ चौधरी गटाने केला होता

हि बाब आमदार चौधरींनी महाराष्ट्र शासनाच्या नगरविकास विभागाला लक्षात आणून दिले, शासनाने या गोष्टीची गंभीर दखल घेवून चौकशी केली.

दि. १५ मे २०१७ रोजी नगरविकास विभागाचे सहसचिव यांच्या सहीने महाराष्ट्र जीवन प्राधिकरण मुंबई व मुख्याधिकारी नगरपालिका अमळनेर यांना पत्र पाठविले. भुयारी गटर प्रकल्प महाराष्ट्र जीवन प्राधिकरणाकडे निधी सह सोपवावा असे स्पष्ट म्हटल्यामुळे न.पा अमळनेरच्या सत्ताधार्‍यांचे धाबे दणाणले असुन शासन त्यांची विश्वाससाहर्ता संपली आहे.

न. पा. अमळनेर बिनचूक व गुणवत्तापूर्ण काम करू शकत नाही यावर शासनाने शिक्कामोर्तब केला आहे अशी सर्वत्र चर्चा या आदेशानंतर सूरू आहे.

१० वर्षापूर्वी अविनाश पाटील यांना कंपनी मार्ङ्गत सर्व्हेचे काम देण्यात आले होते. परंतु सर्व्हेअरचे न करता मार्च २०१७ मध्ये त्यांना न पा अमळनेर कडून ४८ लाख अदा केल्याबाबत सांगण्यात आले तांत्रिक मार्गदर्शन न घेता बिल अदा करण्याचे पाप करून भूषण मिरवीत आहेत.

न.पा. अमळनेर भ्रष्टाचाराचे कुरण आहे हे शासनाच्या वेळीच लक्षात आल्याने पुढील अनर्थ टळला. त्याचे संपूर्ण श्रेय आ. चौधरींचे असून अमळनेरच्या जनतेच्या वतीने व आमदार शिरीषदादा चौधरी मित्र परिवार आघाडीच्या वतीने त्यांचे कौतुक केले आहे.

शासनाचे पत्र न पा ला प्राप्त होताच आमदार शिरीषदादा मित्र परिवार आघाडीचे सर्व नगरसेवक व कार्यकर्त्यानी शासनाचे व आमदार शिरीषदादांचे आभार व अभिनंदन करण्यासाठी अमळनेर विश्रामगुहा समोर एकत्र येवून ङ्गटाके ङ्गोडून आनंद व्यक्त केला

या प्रसंगी श्रीराम चौधरी, प्रा अशोक पवार, उदय नंदकिशोर पाटील, अनिल महाजन, नरेंद्र चौधरी, भाऊसाहेब महाजन, सुरेश सोनवणे, सलीम टोपी, नितेश लोहरे, पंकज चौधरी, किरण बागुल,सुनील भामरे, किरण सावंत, शंशाक संदानशिव, प्रज्ञशील सैदाने, विजेंद्र शिरसाळे, मंजित सोनार, दिनेश पाटील,गोकुळ पाटील,पंकज शेटे, दीपक चौगुले आदी कार्यकर्ते मोठया संख्येने उपस्थित होते.

शासन दरबारी कोणाची किती पत आहे हे पुन्हा सिद्ध.झाले असून खोट्या वलग्ना करणार्‍या भूषण मिरवणार्‍याना पुन्हा चपराक.बसली असल्याचे मत शिरिष चौधरी गटाचे प्रमुख प्रा अशोक पवार यांनी व्यक्त केली.

LEAVE A REPLY

*