अवेळी केस पांढरे होण्याचा संबंध थेट हृदयविकाराशी

0
लंडन | वृत्तसंस्था :  ज्या लोकांचे केस निश्‍चित वयापूर्वीच पांढरे होतात, त्यांना हृदयासंबंधीच्या आजाराचा धोका निर्माण होऊ शकतो, असा इशारा एक नव्या संशोधनात देण्यात आला आहे.

इजिप्तमधील प्रसिद्ध काहीरा युनिव्हर्सिटीचे कार्डियोलॉजिस्ट इराणी सॅम्युअल यांनी सांगितले की, या संशोधनाच्या निष्कर्षानुसार असे स्पष्ट होते की, वास्तविक वय कमी असूनही लोकांचे केस पांढरे झालेले असतात.

हे पांढरे केसच संबंधित व्यक्तीचे जैविक वय सांगतात आणि हे लक्षण हृदयरोगाच्या इशार्याचे संकेत असू शकतात. ऍथेरोस्क्लेरोसिसचे (रक्तवाहिन्या कठीण होणे) प्रमुख कारण म्हणजे वाहिन्यांच्या अंतर्गत भागात असलेले पदार्थ होय.

यामध्ये केस पांढरे होण्याची अनेक समान कारण आहेत. मात्र, या वरील दोन्ही आजारांचे प्रमुख कारणे म्हणजे बिघडलेला डीएनए, ऑक्सिडेटिव्ह तणाव, कार्यात्मक कोशिकांचा अभाव होय.

प्रमुख संशोधक व कार्डियोलॉजिस्ट इराणी सॅम्युअल यांनी सांगितले की, ऍथेरोस्क्लेरोसिस व केस पांढरे होणे ही एकसारखीच जैविक प्रक्रिया आहे. वाढत्या वयानुसार या दोहोंत वाढ होत जाते.

LEAVE A REPLY

*