मेहूणला संत मुक्ताई गुप्तदिन सोहळ्यास प्रारंभ

0
मुक्ताईनगर |  प्रतिनिधी :  तालुक्यातील श्री संत आदीशक्ती मुक्ताई देवस्थान श्रीक्षेत्र मेहूण तापीतीर येथे दरवर्षाप्रमाणे यंदाही संत मुक्ताई गुप्त दिन सोहळा  सुरू झाला आहे.

दिपप्रज्वलन, कलश पुजन व अभिषेकाने सुरूवात झाली. सोहळ्यात एकनाथ महाराज कुर्‍हा काकोडा हे ज्ञानेश्‍वरी पारायण प्रवक्ते असून सोहळ्या दरम्यान दररोज रात्री अनुक्रमे ज्ञानदेव महाराज, ज्ञानेश्‍वर महाराज, महादेव महाराज, गोपाळ महाराज, नारायण महाराज, ज्ञानेश्‍वर महाराज, गिरिश महाराज, सुरेश महाराज, कौतिक महाराज, निवास महाराज, दामोदर महाराज, तुकाराम महाराज यांची किर्तने होत आहेत.

विशेष कार्यक्रमात २१ रोजी सकाळी १० वाजता संत मुक्ताई गुप्त दिन सोहळ्याचे किर्तन सुधाकर महाराज यांचे होईल. २२ रोजी सकाळी ११ वाजता मासिक वारी हरिकिर्तन किशोर महाराज यांचे होणार आहे.

२३ रोजी सकाळी ९ वाजता काल्याचे किर्तन सारंगधर महाराज यांचे होईल. ११ ते २३ मे दरम्यान बाल वारकरी संस्कार शिबीर होणार असून २६ रोजी श्रीक्षेत्र पंढरपूर येथे दिंडी पालखी प्रस्तान होणार आहे.

भाविकांनी लाभ घ्यावा असे आवाहन संत मुक्ताई देवस्थान श्री क्षेत्र मेहूण तापीतीर यांनी केले आहे.

LEAVE A REPLY

*