रेल्वेत वेगवेगळ्या घटनांमध्ये ५९ हजारांचा ऐवज लंपास

0

भुसावळ | | प्रतिनिधी :  रेल्वेतून प्रवास करणार्‍या प्रवाशांच्या सामनांवर अज्ञात चोरट्यांनी हात साफ करत वेगवगेगळ्या तीन घटनांमध्ये ५९ हजारांचा ऐवज लांबविल्याच्या घटना घडल्या.

या प्रकरणी लोहमार्ग पोलिसात गुन्हे दाखल करण्यात आले असून त्यात गोरखपूर-बांद्रा एक्सप्रेस मधून ३१ हजार ३०० रुपयांचा ऐवजाची पर्स. पूरी-अहमदाबाद एक्सपमेसमधून १० हजारांच्या रोकडची बॅग तर कटनी एक्सप्रेसमधून तीन महिलांचे १८ हजारांच्या दागिण्यांवर हात साफ करण्यात आला.

गोरखपूर-बांद्रा एक्सप्रेसमधून ३१ हजारांची चोरी

गाडी क्र. १५०६७ अप गोरखपूर-बांद्रा एक्सप्रेसमधून अज्ञात चोरट्याने ३१ हजार ३०० रूपए ऐवजाची पर्स चोरी झाल्याची घटना दि. २६ एप्रिल १७ रोजी घडली. लोहमार्ग पोलिसांकडून मिळालेल्या माहितीनुसार आशिष पाटील (वय ३४, रा.आनंद नगर, जामनेर) हे पत्नीसह गाडी क्र. १५०६७ गोरखपूर -बांद्रा टर्मिनस एक्सप्रेसच्या डबा क्र.एस ४ बर्थ १५ वरून दि.२६ एप्रिल १७ रोजी झासी ते भुसावळ प्रवास करतांना भोपाळ स्टेशन सोडल्यानंतर अज्ञात चोरट्याने गुलाबी रंगाची पर्स चोरी केल्याचे लक्षात आले.

पर्समध्ये एचटीसी कंपनीचा २२ हजार रूपये व ऍसूस झेन फोन २ कंपनीचा ७ हजार रूपये असे दोन मोबाईल, रोख २ हजार ३०० रूपये, पॅन कार्ड, आयडीबीआय बँकेचे एटीएम, मतदान, आधार कार्ड असा ३१ हजार ३०० रूपयांचा ऐवज लांबविल्याची घटना घडली.

याबाबत आशिष पाटील यांच्या फिर्यादीवरून लोहमार्ग पोलीसात अज्ञात चोरट्या विरूद्ध शुन्य क्रमांकाने नोंद करून भोपाळ लोहमार्ग पोलिसात वर्ग करण्यात आला.

रेल्वे प्रवाशाची १० हजाराची बॅग लांबविली

अप पुरी-अहमदाबाद एक्सप्रेस मधून प्रवास करणार्‍या प्रवाशाची १० हजाराच्या रोकड सह बॅग लांबविल्याची घटना दि. १४ मे रोजी रात्री ११.१० वाजता घडली. पोलिसाकडून मिळालेल्या माहितीनुसार, अप पुरी-अहमदाबाद एक्सप्रेसच्या डबा एस २ मधून प्रवास करणारे सागर रवींद्रसिंह हजारी (वय २२, नाशिक) यांनी आपली बॅग डब्यातील स्वच्छतागृहाजवळ ठेवली होती.

ती अज्ञात चोरट्याने लांबविली. ही घटना दि.१४ मे रोजी रात्री ११.१०वाजता भुसावळ रेल्वे स्थानकाच्या आऊटर भागात घडली. बॅगेत १० हजाराची रोकडसह सामानाची चोरी झाली. याबाबत रवींद्रसिंह हजिरी यांच्या फिर्यादीवरून लोहमार्ग पोलिसात गु.र.नं. ३८९/१७, भा.दं.वि.२७९ प्रमाणे नोंद करण्यात आली असून तपास हे.कॉंं. वाघ करित आहे.कटनी पँसेंजरमधून महिलांचे दागिणे लांबविले.

कटनी पॅसेंजरमधून तीन महिलांचे दागिने लंपास

गाडी क्र.५११८७ कटनी पँसेंजरमध्ये चढत असतांना तीन महिलांचे दागिने अज्ञात चोरट्याने लांबविल्याची घटना दि.१५ मे रोजी सकाळी ९.४०वा. भुसावळ रेल्वे स्थानकावर घडली.लोहमार्ग पोलीसांकडून मिळालेल्या माहितीनुसार, स्मीता आकाश माहुरकर (वय ३८, रा. न.पा. दवाखाना मागे भुसावळ), मीना राजेंद्र सुतार, वैशाली दिनेश सोनवणे (दोघे रा.बरहाणपूर) या गाडीत बसत असतांना अज्ञात काळ्या सावळ्या सडपातळ व एका डोळ्याने आंधळा व हिरवा टी शर्ट घातलेल्या साधारण १५ वर्षीय युवकाने स्मिता माहुरकर यांचे ८ हजार रूपयांचे ३ ग्रॅमचे सोन्याचे पेंडल, मीना सुतार यांचे ६ हजार रूपयांचे अडीच ग्रॅमचे मंगळसुत्र, वैशाली सोनवणे यांचे ४ हजार रूपयांचे २ ग्रॅमचे मंगळसुत्र असा एकुण १८ हजार रूपयांचे दागिने लंपास केल्याची घटना घडली.

याबाबत स्मिता माहुरकर यांच्या फिर्यादीवरून लोहमार्ग पोलिसात गु.र.नं.३९०/१७, भा.दं.वि. २७९ प्रमाण गुन्हा दाखल करण्यात आला असून तपास हे.कॉंं देवकर करीत आहे.

LEAVE A REPLY

*