रस्ते हस्तांतरण झाल्यास महापौरांना काळे फासू – भूमाता ब्रिगेड 

0
सांगली / राज्यात संपूर्ण दारू बंदी करण्याच्या मागणीसाठी आज भूमाता ब्रिगेडच्या तृप्ती देसाई यांनी तासगावमध्ये मोर्चा काढला.
यावेळी आक्रमक होत त्यांनी सरकारने दखल न घेतल्यास राज्यभर आंदोलन छेडण्याचा इशारा दिला आहे.
तसेच दारुबंदीला पळवाट काढीत शहरातील रस्ते पालिकेने हस्तांतरण केल्यास संबंधीत महापौरांना काळे फासू असेही त्या म्हणाल्या.

तासगाव शहरात भूमाता ब्रिगेडच्या वतीने दारू बंदीच्या मागणीसाठी मोर्चा काढण्यात आला. हा मोर्चा भूमाता ब्रिगेडच्या अध्यक्षा तृप्ती देसाई यांच्या नेतृत्वाखाली तासगाव तहसील कार्यालयावर नेण्यात आला.

शहरातील शेकडो महिला या मोर्चात मोठ्या संख्येने सहभागी झाल्या होत्या.

केवळ राष्ट्रीय व राज्य महामार्गावरील 500 मीटरजवळील दारू बंदी न करता राज्यात सरसकट दारू बंदी करण्याची त्यांनी मागणी केली आहे.

महापालिका क्षेत्रातील बंद दारू दुकाने पुन्हा सुरू करण्याच्या दृष्टीने महापालिकेकडून शहरातील रस्ते हस्तांतरणालाही विरोध असल्याचे तृप्ती देसाई यांनी स्पष्ट केले.

त्यांनी रस्ते हस्तातंरण करणार्‍या शहरांच्या महापौरांना काळे फासण्याचा इशारा दिल्याने राज्य सरकारपुढे अडचणी वाढणार आहेत.

राज्यभरात दारुबंदीमुळे महामार्गालगतची दुकाने शहराजवळ येत असल्याने महिलावर्गात प्रचंड संतापाची भावना आहे.

LEAVE A REPLY

*