बीएसएनएलचे नवीन १२२ मोबाईल टॉवर्स उभारण्याचा प्रस्ताव

0
जळगाव |  प्रतिनिधी :  बीएसएनएलच्या मोबाईल सेवेची रेंज वाढविण्यासाठी नवीन १२२ मोबाईल टॉवर्स उभारण्याचा प्रस्ताव पाठविण्यात आलेला आहे. अंतिम मंजुरीसाठी पाठपुरावा करणार असल्याचे आश्‍वासन खा.ए.टी.पाटील यांनी दिले.

भारत संचार निगम लिमिटेड महाप्रबंधक कार्यालय दूरसंचार सल्लागार समितीची बैठक खा.ए.टी.पाटील यांच्या अध्यक्षतेखाली झाली.

बैठकीला जळगांव बिझीनेस एरीया हेड ए.के.अहिरवार, तसेच महाप्रबंधक दूरसंचार एम.व्ही. मुंडे, उप महाप्रबंधक (वित्त) डी.जी.ढाके, जिल्हा दूरसंचार सल्लागार समितीचे सदस्य बयास शिरीष घन:शामसिंग, दत्तात्रय पाटील, जुलाल पाटील, शांताराम पाटील, दिपक सुर्यवंशी, राजेंद्र चौधरी तसेच संपुर्ण जिल्ह्यातील मंडल अभियंता स्तरावरील बी.एस.एन.एल. चे अधिकारी उपस्थित होते.

यावेळी सदस्यांनी आपापल्या क्षेत्रातील दूरसंचार सेवेतील समस्या मांडुन चर्चा केली. तसेच बी.एस.एन.एल. च्या मोबाईल सेवेची रेंज वाढविण्यासाठी जिल्हाभरात नवीन १२२ मोबाईल टॉवर लावण्यासाठीचा प्रस्ताव वरिष्ठ कार्यालयास पाठविण्यात आला आहे.

त्याचा पाठपुरावा करणार असल्याचे आश्‍वासन खा.ए.टी.पाटील यांनी दिले. सुत्रसंचलन बी.एस.एन.एल.जळगांव चे जनसंपर्क अधिकारी जे.एस.किनगे यांनी केले. आभार हिंदी अनुवादक परेश सननसे यांनी मानले.

LEAVE A REPLY

*