कोल्हापूर, सांगली, सिंधुदुर्गासह पनवेलमध्येही अवकाळी पावसाला सुरुवात

0
मुंबई / कोल्हापूर, सांगली, सिंधुदुर्गासह आता पनवेलमध्ये अवकाळी पावसाला सुरूवात झाली आहे.
कोल्हापुरात विजेच्या कडकडासह पाऊस झाला. तर तिकडे सिंधुदुर्गतील कुडाळ तालुक्याला पावसाने झोडपलं. तर सांगलीत वीज अंगावर पडून दोन शेतकर्‍यांचा मृत्यू झाला आहे.

पावसामुळे मुंबई-गोवा महामार्गावरील कुडाळ-झारापदरम्यानची वाहतूक धिम्या गतीनं सुरु होती.

काही ठिकाणी टेलिफोन सेवा ठप्प झाली आहे. जिल्ह्यातील नांदगाव, ओरोस, कुडाळ, सावंतवाडी, दोडामार्ग, कणकवली, वेगुर्ले, मालवण तालुक्यांत अवकाळी पाऊस झाला.

पनवेलमध्येही संध्याकाळच्या सुमारास जवळपास अर्धातास वादळीवार्‍यासह पावसाला सुरुवात झाली. वादळी वार्‍यामुळे नवीन पनवेल परिसरातील वीज पुरवठा खंडीत झाला होता.

सांगलीतील तासगाव तालुक्यातील वडगावमध्ये वीज अंगावर पडून 2 शेतकर्‍यांचा मृत्यू झाला आहे.

तिकडे वाशिम शहरात अवकाळी पावसानं हजेरी लावली आहे. फक्त 10 ते 15 मिनिटं बरसलेल्या पावसानं वातावरणात सुखद गारवा निर्माण झाला आणि वाशिमकरांची उन्हाच्या कडाक्यापासून सुटका झाली.

LEAVE A REPLY

*