दरोड्याच्या प्रयत्नात असलेल्या पाच संशयितांना अटक

0
जळगाव । दि.26 । प्रतिनिधी – मध्यरात्रीच्या सुमारास दरोडा टाकण्याच्या प्रयत्नात एमआयडीसीतील के सेक्टर जवळील खदाणीच्या कडेला लपून बसलेल्या पाच दरोडेखोरांचा पाठलाग करुन त्यांना एमआयडीसी पोलिसांच्या पथकाने अटक केली. दरम्यान, या दरोडेखोरांकडून चोरीसाठी लागणारे साहित्य जप्त करुन त्यांना आज न्यायालयात हजर करण्यात असता त्यांना न्यायालयाने एक दिवसाची पोलिस कोठडीत रवानगी करण्यात आली आहे.
सध्या शहरात काही दिवसांपासून रस्तालुट व दरोड्याच्या घटनांमध्ये मोठ्या प्रमाणात वाढ झाली आहे. त्यामुळे पोलिसांनी शहरातील एमआयडीसी परिसरात मोठ्या प्रमाणात गस्त वाढविण्यात आली होती.

दरम्यान, डीवायएसपी सचिन सांगळे यांना एमआयडीसी परिसरातील के सेक्टर जवळील खदाणीजवळ काही दरोडे दरोडा टाकण्यासाठी लपून बसले असल्याचे गुप्त माहिती मिळाली.

त्यानंतर एमआयडीसी पोलिस ठाण्याचे पोलिस निरीक्षक सुनिल कुराडे यांनी पोलिस उपनिरिक्षक रोहन खंडागळे, रामकृष्ण पाटील, शरद भालेराव, विजय पाटील, अविनाश देवरे, असीम तडवी यांचे पथक तयार करुन दरोडेखोर लपलेल्या ठिकाणी पाठविले. दरम्यान, खंडाळगळे यांनी पथकाला सोबत घेवून रात्री 11.45 वाजेच्या सुमारास खदाणीजवळ सापळा लावून दरोडेखोरांच्या मुसक्या आवळून त्यांना अटक करण्यात आली असून त्यांच्या विरुद्ध एमआयडीसी पोलिसात गुन्हा दाखल करण्यात आला असून आज त्यांना न्यायाधिश बी. डी. गोरे यांच्या न्यायालयात हजर करण्यात आले असून त्या पाचही दरडेखोरांना न्यायालयाने एक दिवसाची पोलिस कोठडी सुनावण्यात आली आहे.

दरोडेखोर पसार होण्यात अपयशी
दरोडेखोरांना पकडण्यासाठी पाठविलेले पोलिसांचे वाहन खदाणीच्या दिशेने येत असल्याचे समजताच दरोडेखोरांनी त्याठिकाणाहून पसार होण्याच्या प्रयत्नात होते. मात्र त्या पाचही दरोडेखोरांचा पाठलाग करुन पोलिसांनी त्यांच्या मुसक्या आवळण्यात यशस्वि ठरले. त्यामुळे दरोडेखोरांचा पसार होण्याचा प्रयत्न फसला.

या दरोडेरखोरांना अटक
दरोड्याच्या प्रयत्नात खदाणीच्या आडोश्याला लपून बसलेले सुरेश पुंडलिक ठाकरे (रा.जैनाबाद), धर्मेंद्र प्रकाश भावसार (रा.कांचननगर), संदिप अमृत पाटील (रा.शनिपेठ), परशुराम विलास पाटील (रा.लक्ष्मीनगर), रविंद्र रमेश जगताप (रा.शिवाजीनगर हुडको) या पाच दरोडेखोंरांना अटक करण्यात आली.

दरोड्यासाठी लागणारे साहित्य जप्त
मध्यरात्रीच्या सुमारास दरोडा टाकण्यासाठी लपून बसलेल्या त्या पाचही जणांच्णया अंगाची पोलिसांनी झाडाझडती घेतली असता. त्यांच्याकडून मिरची पुड, चाकू, लोखंडी गज, नायलॉन दोरी, मोबाईल, टॉमी आदी दरोडा टाकण्यासाठी लागणारे साहित्य मिळून आले. त्यामुळे हे दरोडे मोठा दरोडा टाकण्याच्या प्रयत्नात दिसून येत होते.

 

LEAVE A REPLY

*