कामगारविरोधी धोरणाच्या विरोधात डाक कर्मचार्‍यांचे आंदोलन

0
जळगाव । दि.23 । प्रतिनिधी-केंद्र शासनाच्या कामगार विरोधी धोरणाच्या विरोधात तसेच प्रलंबित मागण्यांसाठी ऑल इंडिया पोस्टल एम्प्लॉयी युनियनतर्फे एक दिवसीय संप पुकारण्यात आला. दरम्यान, कर्मचार्‍यांनी मुख्य डाक कार्यालयासमोर निदर्शने केली.

डाक विभागातील रिक्त पदे भरावी, खाजगीकरण व कंत्राटीकरण थांबवावेत, नवीन पेन्शन योजना रद्द करुन जुनी पेन्शन योजना सुरु करावी, पाच दिवसाचा आठवडा करावा, कर्मचार्‍यांची होणारी पिळवणूक थांबवावी आदी. प्रलंबित मागण्यांसाठी एक दिवसीय संप पुकारण्यात आला.

यावेळी कर्मचार्‍यांनी कार्यालयासमोर घोषणाबाजी देवून निदर्शने केली. यावेळी आर.एस.धर्माधिकारी, भुषण पाटील, लक्ष्मीकांत ठाकुर, के.आर.भारुते, दिलीप इंगळे, एस.ई.बडगुजर, व्ही.एस.लोखंडे, राजु ठाकुर, मनोज करनकाळ, उमेश रहाण, पवन मोरे, नितीन राऊत, गजानन वराडे, सारंग जैन, मंगलदास दुसाने, डी.एम.चौधरी, सत्यानंद शिसोदे, योगेश पाटील, सुरेश चौधरी, प्रविण पाटील, श्रीनिवास ठाकुर, अतुल ठाकुर, मुंजा चव्हाण, भूषण मोरे, हेमंत ठाकुर, संदीप पाटील, मोहन सपकाळे, नितीन राऊत, शुभांगी पाटील, आर.डी.जोशी आदी कर्मचारी सहभागी झाले होते.

 

LEAVE A REPLY

*