अल्पसंख्यांकांच्या मनात भाजपबद्दल भीती- शरद पवार

0
मुंबई / सत्ताधारी भारतीय जनता पक्षाबद्दल देशातील अल्पसंख्यांकांच्या मनात चिंतेचे आणि भीतीचे वातावरण असल्याचे प्रतिपादन राष्ट्रवादी काँग—ेसचे अध्यक्ष शरद पवार यांनी केले.
शरद पवार राष्ट्रवादी काँग—ेसच्या वतीने आयोजित कार्यकर्त्यांच्या बैठकीत बोलत होते.

पवार म्हणाले, गोरक्षक नावाची संकल्पना अलीकडे पुढे आली आहे. गोहत्येवर जिथे बंदी आहे त्या राज्यांमध्येही गायींची वाहतूक करणार्‍यांना लक्ष्य करण्यात येत आहे.

गोहत्याबंदी असणार्‍या राज्यांमध्ये कोणी सहसा बेकायदेशीररीत्या गोहत्या करीत नाही.

राज्यात शेतकर्‍यांच्या प्रश्नांवर विरोधी पक्षांनी काढलेल्या संघर्ष यात्रेबद्दल बोलताना ते म्हणाले , संघर्ष यात्रेमुळे सरकारवर दबाव निर्माण झाला.

त्याची सरकारला दखल घ्यावी लागली, असे ते म्हणाले. 1977 साली काँग—ेसचा पराभव झाला. आता किमान 25 वर्षे काँग—ेसचे सरकार येणार नाही, असा अंदाज अनेक माध्यमांनी त्यावेळी व्यक्त केला होता.

परंतु, 1980 मध्ये पुन्हा काँग—ेस पक्ष सत्तेत आला. कोणत्याही सत्ताधारी पक्षाचा प्रभाव फार काळ राहत नाही, असे निरीक्षण त्यांनी यावेळी नोंदवले.

वाजपेयी पंतप्रधान झाल्यानंतर इंडिया शायनिंग, फील गुडची सर्व माध्यमांमध्ये चर्चा होती. मात्र, त्यानंतर पुन्हा देशात सत्तांतर झाले, आणि डॉ. मनमोहनसिंग यांच्या नेतृत्वाखालील सरकार आले, असे त्यांनी सांगितले.

भाजपच्या राजकीय भूमिकांबद्दल ते कार्यकर्त्यांना उद्देशून बोलताना म्हणाले, देशाच्या नेतृत्वाची भूमिका कायम पाहिजे.

उत्तर प्रदेशातील निवडणुकीत त्यांनी धोरण बदलून जातीय समीकरणांनुसार समुदायांची मते मिळवली.

 

LEAVE A REPLY

*