महामार्गालगतच्या साईडपट्ट्या निकृष्ठ दर्जाच्या : समांतर रस्ते कृती समिती देणार जिल्हाधिकार्‍यांना निवेदन

0
जळगाव |  प्रतिनिधी :  शहरातून गेलेल्या राष्ट्रीय महामार्गाच्या साईडपट्ट्यांचे काम आहे. दरम्यान रस्ते कृती समितीच्या पदाधिकार्‍यांकडून कामाची पाहणी करण्यात आली.

यात साईडपट्ट्यांचे काम निकृष्ठ दर्जाचे होत असल्याने समांतर रस्ते कृती समितीतर्फे दि. ११ रोजी जिल्हाधिकार्‍यांना निवेदन देण्यात येणार असून दि. १२ रोजी जिल्हाधिकारी कार्यालयासमोर आंदोलन करण्यात येणार असल्याची माहिती प्रसिद्धी पत्रकाद्वारे कळविण्यात आली आहे.

महामार्गालगत असलेल्या नागरीवस्तीतील नागरीकांना वाहतूक करण्यासाठी साईडपट्ट्या तयार करण्यात येणार होत्या. दरम्यान १५ दिवसांपासून साईड पट्ट्या तयार करण्यासाठी महामार्गालगत मुरुम टाकण्यात आला होता.

दरम्यान दोन दिवसांपासून साईड पट्ट्याकरण्याच्या कामांना सुरुवात करण्यात आली होती. परंतू संबंधित ठेकेदाराकडून मुरुम पसरवून त्यावर पाणी टाकून तो रोलिंग करणे आवश्यक होते.

मात्र ठेकेदाराकडून असे न करता तो ट्रॅक्टरच्या सहाय्याने पसरवित असल्याचे पाहणी साठी गेलेले डॉ. राधेश्याम चौधरी, अनंत जोशी, अमोल कोल्हे, फारुख शेख, विनोद देशमूख, गजानन मालपुरे, सलिम इनामदार, डॉ. रागीब अहमद, विराज कावडीया, अमित जगताप, मिर नाजीम अली, यांनी पाहणी केली असता निकृष्ठ दर्जाचे काम होत असल्याचा प्रकार दिसून आला.

ही बाब समितीच्या पदाधिकार्‍यांकडून जिल्हाधिकार्‍यांच्या निदर्शनास आणून दिले जाणार आहे.

LEAVE A REPLY

*