खेडीनजीक डंपर-ट्रकची धडक: दोघ जखमी

0
जळगाव । दि.18 । प्रतिनिधी-राष्ट्रीय महामार्गावरील खेडी गावानजीक भरधाव वाळुच्या डंपरने समोरुन येणार्‍या ट्रकला जोरदार धडक दिल्याने ट्रकचालकांसह एक जण जखमी झाल्याची घटना आज सकाळी 7 वाजेच्या सुमारास घडली.
या अपघातामुळे महामार्गावर तासभर वाहतुक ठप्प होती. याप्रकरणी एमआयडीसी पोलिसात ट्रकचालकाविरुध्द गुुन्हा दाखल करण्यात आला आहे.

याबाबत प्रत्यक्षदर्शी व पोलिसांकडून मिळालेली माहिती अशी की, भुसावळकडून जळगावकडे येणार्‍या ट्रक क्रमांक सीजे 14 डी 0535 ला समोरुन भरधाव येणार्‍या वाळुच्या डंपर क्रमांक सीजे 05 एव्ही 5523 ने जोरदार धडक दिली.

या अपघातात ट्रकचे मोठया प्रमाणात नुकसान होवून चालक अब्दुल रहीम अन्वर हुसेन रा. इदोर रा. झारखंड यांच्यासह एमडी शाहजान अन्सारी हेे जखमी झाले असून त्यांच्यावर जिल्हा सामान्य रुग्णालयात उपचार सुरु होते. घटना घडताच डंपरचालक घटनास्थळावरून फरार झाला.

एमआयडीसी पोलिसात गुन्हा दाखल
ट्रकचालक अब्दुल रहीम अन्वर हुसेन यांच्या फिर्यादीवरून डंपरचालकाविरुध्द एमआयडीसी पोलिसात गुन्हा दाखल करण्यात आला आहे.

 

LEAVE A REPLY

*