जळगाव जिल्ह्यात २२२ गावांमध्ये जलयुक्तची २२४८ कामे पूर्ण : यंदासाठी २०६ गावांची निवड

0
जळगाव | प्रतिनिधी :  जळगाव जिल्ह्यात गत वर्षातील २२२ गावामंध्ये जलयुक्तची २२४८ कामे पुर्ण झाल्याचा दावा प्रशासकीय यंत्रणेने केला आहे.

दरम्यान यंदासाठी २०६ गावांची निवड करण्यात आल्याची माहिती सुत्रांनी दिली.  टंचाईमुक्त महाराष्ट्रासाठी राज्यभरात जलयुक्त शिवार योजनेची अंमलबजावणी केली जात आहे.

प्रत्येक जिल्ह्यांमध्ये जलयुक्तच्या कामांसाठी भरीव निधीही मंजुर केला जात आहे. तसेच मुख्यमंत्री ना. देवेंद्र फडणवीस हे स्वत: राज्यातील सर्व जिल्हाधिकार्‍यांशी संवाद साधुन जलयुक्तच्या कामांचा आढावा घेत आहे.

गत वर्षात २२४८ कामे पुर्ण

जिल्ह्यात गत वर्षात जलयुक्तच्या कामांसाठी २२२ गावांची निवड करण्यात आली होती. या गावांसाठी १७५ कोटी रूपयांचा आराखडा तयार करण्यात आला होता.

त्यापैकी १५० कोटी रूपयांच्या कामांना प्रशासकीय मान्यताही देण्यात आली. यातील १३० कोटीच्या कामांसाठी इ-निवीदा राबविण्यात आली. गत वर्षातील ४१२२ कामांपैकी २२४८ कामे पुर्ण झाली असुन त्यावर ४७ कोटी ६८ लाखांचा निधी देखिल करण्यात आला आहे. १८७४ कामे ही प्रगतीपथावर असल्याची माहिती प्रशासकीय सुत्रांनी दिली.

यंदा २०६ गावांची निवड

सन २०१७-१८ साठी जिल्ह्यातील २०६ गावांची निवड करण्यात आली आहे. यात सर्वाधिक जामनेर तालुक्यातील २६ गावांचा समावेश करण्यात आला आहे.

जिल्ह्याची टँकरमुक्तीकडे वाटचाल

गत पाच वर्षात टँकरद्वारे पाणी पुरवठा करण्याची संख्या घटु लागली आहे. गतवर्षी मे महिन्यात ६७ टँकर जिल्ह्यासाठी मंजुर करण्यात आले होते.

यंदा मात्र १७ गावांना अवघे ९ टँकर मंजुर झाले आहे. जलयुक्तच्या कामांचाच हा परीणाम असल्याचा दावा प्रशासकीय यंत्रणेने केला असुन जिल्ह्याची वाटचाल ही टँकरमुक्तीकडे असल्याचे त्यांचे म्हणणे आहे.

तालुका निवड झालेली गावे
जळगाव              १२
भुसावळ              १४
रावेर                     ७
मुक्ताईनगर         १५
बोदवड               १५
यावल                  ७
अमळनेर            १६
धरणगाव            ११
पारोळा                १४
एरंडोल                १०
चोपडा                १०
पाचोरा               १६
भडगाव              १२
चाळीसगाव         २१
जामनेर             २६
=======================
एकुण                २०६

LEAVE A REPLY

*