आदिवासी बांधवांना गावातच रोजगार उपलब्ध व्हावा – प्रविण परदेशी

0
जळगाव । दि.11 । प्रतिनिधी-वनक्षेत्रातील आदिवासी बांधवांना त्यांच्या गावाच्या परिसरातच रोजगार उपलब्ध होईल यासाठी आदिवासी व वन विभागाने प्रयत्न करावा,अशा सूचना मुख्यमंत्र्यांचे अपर मुख्य सचिव प्रवीण परदेशी यांनी आज दिल्या.
अपर मुख्य सचिव प्रविण परदेशी यांनी आज पाल येथील वनक्षेत्रातील गारखेडे व निमडया या गावांना भेट दिली. यावेळी जिल्हाधिकारी किशोर राजे निंबाळकर, सहायक जिल्हाधिकारी जलज शर्मा, वनसंरक्षक (वन्यजीव) नाशिक एन. आर. प्रवीण, श्री. शेजल, उपवनसंरक्षक आदर्श रेड्डी, संजय दहिफळे, पाल प्रशिक्षण केंद्राचे दिलीप भवर, सहायक वनसंरक्षक (वन्यजीव) डी. आर. पाटील, अश्विनी खोपडे, रावेर परिक्षेत्राचे वन परिक्षेत्र अधिकारी राजेंद्र राणे, श्री. सोनवणे, श्री. पाटील, प्रतिभा शिंदे आदि उपस्थित होते.

यावेळी श्री. परदेशी यांनी जंगलतोड रोखण्यासाठी वनक्षेत्रातील आदिवासी कुटूंबाना आदिवासी योजनेच्या माध्यमातून गॅस कनेक्शन उपलब्ध करुन देण्याच्या सुचना केल्या.

त्याचबरोबर अंजनाच्या झाडाचा पाला जनावरांना खाण्यासाठी तोडताना झाडेही तोडली जातात. ही वृक्षतोड थांबविण्यासाठी कुटूंबातील जनावरांच्या संख्येनुसार त्यांना झाडाचे वाटप करावे.

या झाडांचे संरक्षण व देखभाल त्याच कुटूंबाने करावी अशा सुचनाही त्यांनी वनविभागाच्या अधिकार्‍यांना दिल्या. नरेगा, पेसा व व्हिलेज सोशल ट्रान्सफार्मेशन मधून निधी उपलब्ध करुन या गावांचा विकास साधण्याच्या सूचनाही त्यांनी यावेळी केल्या.

गारखेडे व निमडया गावातील आदिवासीशी साधला संवाद
यावेळी प्रविण परदेशी यांनी गारखेडे गावातील नागरीकांशी संवाद साधला. तसेच जळगाव शहरालगत वनविभागाने विकसित केलेल्या लांडोरखोरी वन उद्यानास श्री. परदेशी यांनी भेट दिली.

 

 

LEAVE A REPLY

*