अनैतिक संबंधातून जन्मलेले अर्भक सापडल्याप्रकरणी 15 दिवसानंतर गुन्हा

0
जळगाव । दि.10 । प्रतिनिधी-तालुक्यातील चिंचोली गावाजवळील असलेल्या वाकी नदीजवळ रस्त्यावर अनैतिक संबंधातून जन्मलेले अर्भक सापडल्याप्रकरणी तब्बल 15 दिवसांनी आज एमआयडीसी पोलिसात अज्ञात महिलेविरुध्द गुन्हा दाखल करण्यात आला आहे.

याबाबत पोलिसांकडून मिळालेली माहिती अशी की, चिंचोली गावाजवळील वाकी नदीच्या पायवाट रस्त्यावर अनैतिक संबंधातून जन्मलेले 4 ते 5 महिन्याचे अर्भक मृत स्थितीत आढळून आल्याची घटना दि.25 जुलै रोजी सायंकाळी 7 वाजेच्या सुमारास उघडकीस आली होती.

याप्रकरणी पोलिसांनी एमआयडीसी पोलिसात अकस्मात मृत्यूची नोंद केली होती.दरम्यान एमआयडीसी पोलिसांनी जळगावसह आजुबाजुच्या गावात घटनेच्या अनुषंगाने तपास केला.

परंतू कोणताही माहिती समोर न आल्याने याप्रकरणी आज 15 दिवसानंतर एमआयडीसी पोलिस स्टेशनचे सहाय्यक फौजदार भगिरथ नन्नवरे यांच्या फिर्यादीवरुन अज्ञात स्त्री विरुध्द समाजात बदनामी होईल म्हणून अनैतिक संबंधातून जन्मेलेले अर्भक मयत स्थितीत सोडून दिल्याप्रकरणी भादवी कलम 318 प्रमाणे गुन्हा दाखल करण्यात आला असून तपास सफौ. भगिरथ नन्नवरे करीत आहे.

 

LEAVE A REPLY

*