व्यापारी दाम्पत्याचा पाच शेतकर्‍यांना 10 लाखाचा गंडा : गुन्हा दाखल

0
अहमदनगर (प्रतिनिधी) – नांदगाव येथील पाच शेतकर्‍यांची कांदा व्यापार्‍याने दहा लाख रुपयांची फसवणूक केल्याप्रकरणी एमआयडीसी पोलिसांनी गुन्हा दाखल केला आहे.
विलास यशवंत दांगट व ज्योती विलास दांगट (रा.कात्रळ ता.राहुरी) अशी आरोपी असलेल्या व्यापार्‍याचे नाव आहे. रावसाहेब हरिभाऊ वर्पे (रा. नांदगाव) यांनी पोलिसांत फिर्याद दाखल केली. सुभाष रंगनाथ जाधव, प्रविण गोरक्षनाथ जाधव, संदीप गोरक्षनाथ जाधव अशी फसवणूक झालेल्या शेतकर्‍यांची नावे आहेत.
दांगट यांनी कांदा चालू भावाने मागितला होता. मात्र आम्ही त्यास नकार दिला. नंतर विश्वास संपादन करून कांदा देण्यास भाग पाडले. माझा सव्वादोन टन कांदा 1 हजार 400 रुपये भावाने दांगट यास विक्री केला. त्याची किंमत 3 लाख 8 हजार रुपये झाली.
सुभाष रंगनाथ जाधव यांचा सव्वा नऊ टन, प्रविण गोरक्षनाथ जाधव कांदा 1 हजार 400 दराने आडे आठ टन कांदा दांगट याने विकत घेतला. त्यांचाच पुन्हा पावणेतीन टन कांदा दांगट याने घेतला. संदीप गोरक्षनाथ जाधव यांचा सात टन कांदा 1 हजार 300 रुपये भावाने विकत घेतला.
पाच शेतकर्‍यांकडून 10 लाख 8 हजार 900 रुपयांचा कांदा दांगट यांनी उधारीवर विकत घेतला. त्यानंतर शेतकर्‍यांनी दांगट यांच्याकडे पैशाची मागणी केली, मात्र ते देण्यास दांगट यांनी नकार दिला. वारंवार पैसे मागूनही ते मिळत नसल्याने अखेर शेतकर्‍यांनी पोलिसांकडे धाव घेत फसवणुकीचा फिर्याद दिली.

 

LEAVE A REPLY

*