शेतकरी संपाचा दुसरा दिवस : सोनगीर टोलनाक्याजवळ रास्तारोको : शेतकरी अाक्रमक : परराज्यातल्या भाजीपाल्यांच्या वाहनांसह दुधाचे टॅंकर परतवले

0
 रामकृष्ण पाटील | कापडणे,ता.धुळे :  शेतकरी संपाच्या दुसर्‍या दिवशीही शेतकरी वर्गासह विविध संघटना अाक्रमक दिसल्या. मुंबई-अाग्रा महामार्गावरील सोनगीर टोलनाक्याजवळ शेतकरी संघटनेने अाज (दि.२) अांदोलन केले.

यात परराज्यातुन येणारी भाजीपाला, भुसारमाल अादींच्या चार वाहनासह दुधाचे टॅंकर अांदोलनकर्त्यांनी परतवून लावले.

शेतकरी संपात आज(दि.२) शेतकरी संघटनेने सकाळी साडेनऊला मुंबई- आग्रा महामार्गावरील सोनगीर (ता. जि. धुळे) टोलनाक्याजवळ आंदोलन केले. त्यावेळी गुजरातहून हैद्राबादकडे जाणारे दूधाचे टॅंकर संघटनेच्या आंदोलनकर्त्यांनी परतवले.

तसेच मध्य प्रदेश व गुजरातकडून येणारी भूसार व भाजीपाल्याची चार वाहनेदेखील आंदोलकांनी परत पाठविली. शेतकरी संपामुळे नंदूरबार, शहादा, शिंदखेडा व शिरपूरकडून शेतीमालाचे एकही वाहन धुळ्याकडे आले नाही.

दरम्यान शेतकरी संपाच्या पार्श्वभूमीवर कालही(दि.१) कापडणे येथे रस्त्यावर दूध आेतणे, खासगी दूध संघाला कुलूप ठोकणे, रास्ता रोको आंदोलन अादी अांदोलन करण्यात अाले होते.

अाजच्या(दि.२) या अांदोलनात शेतकरी संघटनेचे जिल्हाध्यक्ष गुलाबसिंग रघुवंशी, माजी अध्यश आत्माराम पाटील, शांतूभाई पटेल, रामकृष्ण पाटील, छगन पाटील, बंडू पाटील, साहेबराव वाघ, अरुण पाटील, जयवंत बोरसे, नारायण माळी, दिलीप पाटील आदींसह परीसरातील व  जिल्हाभरातील शेतकरी उपस्थित होते.

या अांदोलनाच्या पार्श्वभूमीवर सदर टोल नाक्यावर पोलिस यंत्रणाही तैनात होती.

LEAVE A REPLY

*