गरिबांची साखर घटविली आणि दरही वाढविले

अनेक कार्डधारकांचे रॉकेल बंद करण्याचा निर्णय

श्रीरामपूर (प्रतिनीधी) – ऐन सणासुदीच्या काळातच स्वस्त धान्य दुकानातील साखर महाग झाली असून यापुढे आता बीपीएल व अंत्योदय कार्डधारकांना कार्डावर फक्त एकच किलो साखर देण्यात येणार आहे .त्यामुळे गरीबांना मिळणारी साखर आता महाग झाली आहे. शासनाने या महिन्यापासून स्वस्त धान्य दुकानातून देण्यात येणार्‍या साखरेचे दर प्रति किलो वीस रुपये करण्याचा निर्णय घेतला आहे. ही साखर पूर्वी पंधरा रुपये किलो प्रमाणे दिली जात होती. आता याच साखरे करिता गरीबांना किलो मागे पाच रुपये जादा मोजावे लागणार आहे.
एकीकडे शासनाने दर वाढ केली तर दुसरीकडे साखरेचे प्रमाण देखील कमी करण्यात आले आहे. श्रीरामपूर तालुक्याला यापूर्वी पाचशे वीस क्विंटल साखर मजुंर होत असे या महिन्यात तालुक्याला केवळ दोनशे बावन्न क्विंटल साखर नियतन मंजुर झाले आहे पूर्वी साखरेचे प्रमाण माणशी पाचशे ग्रॅम होते. त्यामुळे ज्याच्या घरात जादा व्यक्ती त्याला जादा साखर मिळत होती. आता घरात कितीही माणसे असली तरी अंत्योदय व बीपीएल कार्डधारकांना फक्त एकच किलो साखर मिळणार आहे. त्यामुळे शासनाची एक किलो साखर किती दिवस पुरणार? एप्रिल महिन्यात हीच साखर 13.50 रुपये किलो दर करण्यात आला होता. त्यानंतर महिन्यात पुन्हा तीच साखर 15 रुपये किलो करण्यात आली. आता तर सरळ 20 रुपये करण्यात आल्याने या तीन महिन्यात साडे सात रुपयांनी भाववाढ केली.
अनेक कार्डधारकांचे रॉकेल बंद करण्याचा निर्णय शासनाने घेतला आहे. त्यामुळे अनेक राँकेल परवानाधारक अडचणीत सापडले आहे. आता शासनाने साखरेचे दर वाढविले आहेत. त्याचबरोबर साखरेचे प्रमाण कमी केल्यामुळे दुकानदारांची डोकेदुखी वाढणार आहे.साखरेची दरवाढ व प्रमाण याची प्रसिद्धी देणे गरजेचे होते. श्रीरामपूर तालुक्याला यापूर्वी पाचशे वीस क्विंटल साखर मजुंर होत असे या महिन्यात तालुक्याला केवळ दोनशे बावन्न क्विंटल साखर नियतन मंजुर झाले आहे
गोरगरीबांची साखर कमी करुन शासनाने काय साध्य केले असा सवाल सर्वसामान्य नागरिकांमधून विचारला जात आहे. सध्या मुस्लिम बांधवाचे उपवास सुरु आहे. मुस्लिम बांधवाचा पवित्र सण रमजाण ईद याच महिन्यात येत आहे .अशा परिस्थितीत शासनाने साखरेच्या दरात वाढ करुन प्रमाण देखील कमी केल्यामुळे गरीबाना सणसुद करणे अवघड होणार आहे .
देविदास देसाई
जिल्हाध्यक्ष, स्वस्त धान्य दुकानदार संघटना

LEAVE A REPLY

*