भारताच्या मास्टर ब्लास्टर तेंडुलकरने श्रीलंकेचा फिरकीपटू अजंता मेंडिसच्या गोलंदाजीवर उपाय शोधल्याचे सांगितले आहे. तसेच श्रीलंकेच्या या फिरकीपटूचे चेंडूतील बारकावे समजले असल्याने खेळणे आता सहज शक्य होणार आहेत असेही म्हटले. कसोटी मालिका सुरू होण्याआधी झालेल्या सराव सामन्यात भारताच्या सहा गड्यांना गारद करणारा लंकेचा फिरकीपटू मेंडिस मुरलीची जागा घेतो की काय अशी भीती भारतीय संघाला वाटत होती मात्र, आता दुसर्‍या कसोटीत कारकिर्दीतील 48 वे शतक ठोकणार्‍या सचिनने त्याच्या फिरकीतील बारकावे लक्षात आले आहेत, असे म्हटल्याने भारतीय ड्रेसिंग रूममध्ये समाधानाचे वातावरण पसरले आहे.