- दहावी-बारावीच्या परीक्षांमुळे आयपीएल स्पर्धा स्थगित करावी, अशी मागणी करणारी दाखल झालेली याचिका मद्रास उच्च न्यायालयाने फेटाळली. या बाबतीत केंद्र शासनाने निर्णय घ्यावा, असे न्यायालयाने म्हटले आहे. चित्रपट निर्माता हेनरी की यांनी ही याचिका दाखल केली होती. उच्च न्यायालयाचे मुख्य न्यायमूर्ती एच.एल. गोखले आणि न्यायमूर्ती धनपाल यांच्या खंडपीठाने म्हटले की, केंद्रीय क्रीडा मंत्रालय आणि मनुष्यबळ विकास मंत्रालयाने यावर लवकरात लवकर निर्णय घ्यावा. शुक्रवारपासून आयपीएल स्पर्धांना सुरुवात होत आहे.