- येथील दुहेरी हत्याकांडाच्या तपासातून पोलिसांना विश्रांती मिळते न मिळते, तोच देवळाली प्रवरात मंगळवार, दि. 9 रोजी रात्री अज्ञात चोरट्यांनी शहरातील 4 दुकाने फोडून 8 ते 9 हजारांचा ऐवज लंपास केला आहे. देवळाली प्रवरा व परिसरात भुरट्या चोर्‍यांना ऊत आला असून, भुरट्या चोर्‍या झाल्यानंतरही पोलिसांची भानगड नको, म्हणून तक्रार दाखल करण्याचे टाळले जात आहे. शहरात मध्यंतरी मोठ्या चोर्‍या पूर्णतः थांबल्या होत्या. मंगळवारपासून पुन्हा चोरी करण्याची मुहूर्तमेढ रोवल्याचे दिसत आहे. मंगळवारी मध्यरात्रीच्या सुमारास देवळाली प्रवरा बाजारतळावरील संतोष निमसे यांचे किराणा दुकान फोडून पुन्हा चोरी करण्याची मुहूर्तमेढ रोवल्याचे दिसत आहे. मंगळवार, दि. 9 रोजी मध्यरात्रीच्या सुमारास देवळाली प्रवरा बाजारतळावरील संतोष निमसे यांचे किराणा दुकान फोडून अज्ञात चोरट्यांनी किराणा मालासह चैनीच्या वस्तू व रोख 500 रुपये, तर शिवाजी रेडिओ अॅण्ड वॉच, बाळासाहेब कराळे यांचे भगीरथ अॅटोमोबाईल्स या दुकानातून 6 हजार रुपये किमतीचे दुचाकीचे साहित्य, अंकूश घाडगे यांच्या भुवनेश्वरी वाहतूक या दुकानातून रोख रक्कम असा एकूण 7 ते 8 हजार रुपयांचा ऐवज चोरट्यांनी चोरून नेला. राहुरी पोलिसांनी चोरीचा गुन्हा दाखल केला असून, पुढील तपास सहायक फौजदार मुत्याल हे करीत आहेत.