जागतिक हॉकी लीग स्पध्रेसाठी भारतीय संघ जाहीर; नेतृत्व मनप्रीतकडे

0

भारताचा कर्णधार आणि अनुभवी गोलरक्षक पी. आर. श्रीजेशने गुडघ्याच्या दुखापतीमुळे माघार घेतल्याने आगामी हॉकी मालिकांसाठी भारतीय पुरुष हॉकी संघाचे नेतृत्व मनप्रीत सिंगकडे सोपवण्यात आले आहे. जर्मनी येथे होणाऱ्या निमंत्रित हॉकी स्पध्रेत आणि इंग्लंड येथे होणाऱ्या जागतिक लीग उपांत्य स्पध्रेत मनप्रीतच्या नेतृत्वाखाली भारतीय संघ खेळणार आहे.

जर्मनी येथे तीन देशांची मालिका १ जूनपासून सुरू होणार असून त्यानंतर १५ जूनपासून हॉकी लीग उपांत्य स्पर्धा खेळवण्यात येणार आहे. या दोन्ही स्पर्धाकरिता १८ सदस्यीय संघ गुरुवारी जाहीर करण्यात आला. जर्मनीत होणाऱ्या मालिकेत भारतासह यजमान जर्मनी आणि बेल्जियम यांचा समावेश आहे. जागतिक लीग स्पध्रेत भारताला ‘ब’ गटात स्थान देण्यात आले असून त्यात कॅनडा, नेदरलँड्स, पाकिस्तान आणि स्कॉटलंड यांचाही समावेश आहे.

भारतीय संघ

  • गोलरक्षक : आकाश चिकटे, विकास दहिया.
  • बचावपटू : प्रदीप मोर, कोठाजीत सिंग, सुरेंदर कुमार, रुपिंदरपाल सिंग, हरमनप्रीत सिंग
  • मध्यरक्षक : चिंग्लेनसाना सिंग, एस. के. उथप्पा, सतबीर सिंग, सरदार सिंग, मनप्रीत सिंग, हरजीत सिंग.
  • आघाडीपटू : रमणदीप सिंग, एस.व्ही. सुनील, तलविंदर सिंग, मनदीप सिंग, आकाशदीप सिंग

LEAVE A REPLY

*